Friday, February 14, 2014

ටුක්කියේ....






වැඩ ඇරිලා මං එනකොට
(ඔව් ඔව් පෝයටත්  වැඩ තමයි )
ජෝඩු ජෝඩු හැමතැනම
ටුක්කියේ අදත් උඹ ගියානෙ......
හෙට විභාගලු කොලොම්පුරේ.....
පාලු තමයි මට
පාඩම් කරපං හොඳට....
උඹ ඉන්නකොට මට හැමදාම වැලන්ටයින්
දුක් නොවෙන් මගෙ ටුක්කියේ....

Wednesday, February 12, 2014

වෙනස කියන් මා මිතුරේ...





සල්ලි බාගෙ යහමින් නෑ
                                                                 සැප සම්පත් ඉහට උඩින්
ඉගෙන ගෙනත් නැතිලු වැඩිය
                                                                   ඩිග්රි එකට දෙකක් ඇතිය
මහ පොලොවේ ඉන්නේ ඔහු
                                                                  සුරංගනා ලෝකෙක ඇය


පෑහෙයිදෝ මේ දෙන්නා 
                                                රටටම හරි ගැටළුවක්ලු


"තත්වෙට හරි යන කොල්ලෙක්
හොයගන්න දන්නෙ නැද්ද"
                                                                  "හිතුවාදෝඋඹේ කෙල්ල
                                                                  ඉඳීවියැයි උඹේ ළඟම"

               




සෙනෙහෙ සිතින්
මියුරු බසින්
ළබැඳි හදින්
ආදරයෙන්.......

සිත්තම් කළ සොඳුරු ලොවේ
වෙනස කියන් මා මිතුරේ...

Tuesday, February 11, 2014

කිචිබිච්චෝ.....







කිචිබිච්චෝ ගමට යමුද අපි කෝච්චියේ.......
කිචිබිච්චෝ කොකිස් බදිමුදෝ තාච්චියේ......

චීත්ත ගවුමක් ඇඳගෙන ඉන්නම්
ඉරිච්ච කමිසේ මහලා දෙන්නම්
චීස් පීසා මං හදල කවන්නම්
නිවිච්ච හිත ළඟ මුකුළු කරන්නම්

කිචිබිච්චෝ ගමට යමුද අපි කෝච්චියේ......
කිචිබිච්චෝ කොකිස් බදිමුදෝ තාච්චියේ.....

විචිකිච්චා හිත ඇතිදෝ නුඹෙ
මූනිච්චා වචන නොමැත මට
පොරොන්දු වෙච්චී නුඹෙ බට්ටිච්චී
හිනැහෙන්කො මගෙ කිචිබිච්චෝ

කිචිබිච්චෝ ගමට යමුද අපි කෝච්චියේ......
කිචිබිච්චෝ කොකිස් බදිමුදෝ තාච්චියේ........